هلو بنات اريد افضفض مختنكه وماعندي احد احجيله💔💔 ابني وجهه طالع بي حبوب ناعمه وحمره داير مداير حلكه وخشمه وخدوده بيهن وصارلهن شهرين ومايروحن تقريبا من بده ياكل عمره 8 اشهر هسه وماجاي يروحن واني خايفه عليه اخاف عنده تحسس او شي بس ماجاي اعرف ليش وخطيه يكثرن ويورمن حيل ونوب شويه يخف ويرجع اكثر وحيل حايفه ومنو يشوفه يكلي ليش ماتاخذونه للطبيب واهلي هم كالو ليش ماتاخذونه والناس تلوم بيه لان هوه طفل وكلشي يصير الدنيا ماتتعارف كلساع اسم الله جاي مرض لو شي المهم اتوسل برجلي ياخذه مايقبل مساع كتله خل ناخذه اني وياك باجر يكلي لا اني عندي شغل والله خلي امي تاخذه كتله هيه صارله شهرين تشوف الحب بوجهه طالع ماكالت شبي ابنج ليش هيج وجهه خل ناخذه للدكتور ابو ملتهي وانتي جبيره بلبيت اخذي مو بيبته كتله بلجذب ماسألت حتى من تشوف وجهه وهوه كباله ليل ونهار كتله احنه ابو وامه وناخذه ليش صارله شهرين وجهه مكلوب كلاب وهوه طفل غير وجه ترف مو كله حبوب واحمر المهم يكلي واذا عادي يروح قابل شطالع بي كتله ليش انتو عدكم الينشل تاخذونه للدكاتره وتركضون بي وهيه نشله ليش ابني ماتاخذه تستنكف منه يكلي شقصدج بهاي مال الينشل تركضون بي للدكاتره شنو قصدج صايره هواي تلغين وتلغمطين بلحجي والمهم ضل يحجي وانتي وانتي وانتي ويجيب حجي ويطلع وهوه عرفت ليش انبز مو من هاي الحجايه هوه نبز لان كتله امك تشوفه وتشوف وجهه وماسألت شبي ابنكم وهسه تريدني اكلهه اخذي للدكتور ايييي وضل يحجي ويطلع حجي ماعاجبج روحي لاهلج ماعاجبتج عيشتنه الله وياج وتوكلي احنه هذا العدنه ابنه وماعليج شيصير مايصير علينه لا انتي ولااهلج مسؤلين عنه يكلي💔💔 ونهد بيه ذاك الحجي والله ضليت ساكته وبس دموعي تنزل متت قهر وسكتت هوه خله ونام شسوي ويا والله نفسيتي تعبانه صارلي فتره والله اختنك وابجي الليل كله لاهل قريبين واروح الهم ومايخليني كل تلث اشهر يله ومرات اربع اشهر وهمه بعد ساعتين عليه اخته تجينه كل عشر ايام وتضل اربع ايام يمنه وماعجبهم يحجون عله رجله واني من اكله اخذني يتخبل كلشي ولا اروح لاهلي ولا عندي صديقات ولاكرايب ولااحد احجي ويا لو اروحله ولا هوه يطلعني والله اتوسل ع طلعه يكلي اي نطلع كلنه امي وخواتي وياج ونطلع كتله اني اريد وحدنه اني وجهال نتونس ليش مايصير اخذ راحتي وحدي يكلي اي مايصير اله كلنه واسكت وماحجي ابطل ماطلع واضل ساكته والله تعبت ومختنكه نفسيتي تعبانه من كلشي محبوسه بلغرفه اني وجهالي وماجاي اكدر اكمل حياتي طبيعي مادري شبيه مالي خلك مختنكه ضايجه بس ابجي والله تعبت الصوج مني لو منين يكلي انتي النهار كله وجهج مگلوب ضايجه لاتضحكين لا تسولفين وياي صايره كلش كتله ليش ماتحس والله نفسيتي تعبانه مادري شبيه كارهه الدنيا كلهه بس محد يحس بيه 💔ادري طولت بس ماعندي احد اسولفله كلت خل احجي هنا بلكي ارتاح💔😔