بنات محتاجة مساعدة انا متزوجة من شهرين ونص ومو فاهمة...

بنات محتاجة مساعدة انا متزوجة من شهرين ونص ومو فاهمة جسمي ابدا ♥️🥹 انا باخد حبوب منع حمل من 4 شهور ( شهرين قبل زواجي لتنظيم الهرمونات وكملت فيهم بعد الزواج ) . عمري 23 الدكتورة قالتلي كلشي عندي سليم وانو ممكن احبل بسرعة اول ما اترك حبوب منع الحمل . نسيت حبة من اول اسبوع بالشريط، وصار علاقة بنفس اليوم 31/08 بعدها كملت الحبوب بشكل عادي. بتاريخ 06/09ا صار عندي نزيف خفيف كتير ضل 3 ايام وتوقف و معو وجع اسفل الضهر واسفل البطن وتعب . مر على هالشي تقريبا اسبوع وانا مكملة بالحبوب وبعدها قررت اوقف الحبوب تماما بعد ما حكيت مع الدكتورة واخلي جسمي يرجع على طبيعته. كان ضايل بالشريط 8 حبات وكان ضايل تقريبا اسبوع على موعد دورتي. لما وقفت الحبوب ما صار اعراض ولا نزيف ولا اي شيء. بعد ما وقفت الحبوب بيومين نزل دم زهري فاتح بيشبه دم الانغراس كتير فاتح وخفيف لمرة وحدة ووقف . بعد هاد الدم الخفيف صارت عندي اعراض كل يوم تزيد يعني وجع الضهر ما وقف ابدا ولعية نفس خفيفة تروح وتجي وتعب . المفروض تجيني الدورة 20/09 ولهلا ما اجتني . وما عندي وجع بطن متل كل شهر ولا اعراض الدورة المعتادة لانو بالعادة قبل بيوم من الدورة بصير عندي افرازات بنية ووجع بطن وحوض بعدها بتجيني بس هلا ماصار هيك . الاعراض اللي عندي بتشبه اعراض الحمل بلشت قبل ما اترك الحبوب بيوم او يومين ( يعني بعد نسيان الحبة باسبوعين ) نزلت نقطة دم زهري خفيفة مع نغزات بالجهه اليمين من بطني وعندي وجع ظهر قوي ووجع بالثدي وثقل وظهر من جديد حبات صغيرة كتير حوالين حلمة الثدي وتعب ولعية نفس خفيفة ودايما حاسة حالي مشوبة وتعبانة . حللت مبارح اختبار حمل منزلي وطلع سلبي وما بين اي خط. ( بعد يوم من تأخر الدورة ) برايكم شو ممكن يكون السبب؟ ممكن يكون من توقيف الحبوب مثلا تأخرت الدورة وايمتا بترجع طبيعية . ولا ممكن يكون الحمل لسا بكير وما بين بالتيست؟ دورتي انا كتير منتظمة ولا بعمرا تأخرت ولا يوم والاعراض يلي عندي ابدا مو اعراض دورة لانو الاعراض بلشت من اسبوعين من قبل ما اترك الحبوب ومافي مغص بالبطن .