بنات اني اخو زوجي وزوجته صار الهم 6 سنوات متزوجين خطيه وماعندهم اطفال واستحي اسئل عن السبب
اني صار الي 8 اشهر متزوجه وحالياً دنحاول ؏ طفل رحت فحصت الدكتوره كالتلي كلشي عندج ممتاز وكالت خلي زوجج يسوي تحليل من زوجي سوه تحليل طلع عنده نسبة الحيوانات 15 مليون لكل مل يعنيي 2 مل 30 مليون يصير
والحركة مال حيوانات 65 بالميه 20 تقدمي و40 غير تقدمي بغير اتجاه يتحركون يعنيي ودياخذ علاج بس خايفة كلش هوايي اني كلش احب الاطفال وخايفه هم ابقه
6 سنين واكثر وميصير عندي طفل لاسامح اللـّٰـہ
فدوه اللي عدها معرفه بهالامور اللي تخص تحليل الرجل لاتقصرر ❤️🌷
علماّ انو لازوجي ولا حماي يدخنون جكاير فقط اركيله وقليل يعنيي بالاسبوع مره مرتين هيج
العضوة: 7816372412 , منذ شهر
❤️❤️ حَبيبتي . امين🌷
العضوة: 7561176157 , منذ شهر
إي إن شاء الله يارب يرزقني بولد الصالح ويفرحك أنتي كمان بالحمل هذا الشهر 🤲
العضوة: 7561119401 , منذ شهر
أدعولي معكم باقي للدورة 9 أيام وإن شاء الله أطلع حامل 🥺💔
العضوة: 7816376944 , منذ شهر
امين ياروحي❤️ انشاءالله حامل بولد لان انت تردين ولد 🥹❤️
العضوة: 737298239 , منذ شهر
التحليل اذا تردين تتاكدين منه مضبوط لولا اول شي الشروط ضروري ضروري تتطبق قبل التحليل .. لازم يكون السائل المنوي عمره 2 الى3 ايام يعني يتقربلج وراها بيومين او 3 ايام يسوي تحليل ميكون قديم ولا جديد وثاني شي اثناء التحليل ميصير يتسخدم صابون او اشياء مزلقة او زيوت لان مواد تاثر عالنطف ممكن تقتلهن او تشوهن .. ثالث شي بهاي الفترة مال تحليل وخصوصا هسه هذا الشهر حار كلش لازم ميلبس كابوي ضيق ووالمنطقة يغسلها بمي بارد لان الحرارة كلش تاثر واخر شي ويه العلاج حاولي تسويله اكل صحي بدون دهون مقالي وبدون نشويات زايده بروتين وخضروات وفواكه هالشروط طبقتهن ع زوجي من نصايح الدكتورة والحمدلله زادت عنده النسبه وتعالج وبقى سنه بدون علاج ورجعت حبلت يعني هي بس مرة وحدة طبق العلاج الللي كتبته مع الشروط مع التغذية و ان شــــــاء الله يرزقكم الذرية الصالحة
العضوة: 7816347174 , منذ شهر
هو امتنعنا لمدة 3 ايام وجان مرتاح من سوه التحليل يعنيي لاجان اكوو شي يضوجه ولامشاكل وهو سواه بالحمام مال مختبر ومااستخدم شي بس مي اكرمج اللـّٰـہ لعاب وشكراّ هوايي ؏ تعليقج ربي يسمع منج ويحفظلج اطفالج الج يروحي
العضوة: 8861470966 , منذ شهر
التحليل طبيعي ما بيه شيء عندج نقطتين النقطة الاولى لازم نفسياً تكونون مرتاحين اخاف هسة انتي وياه قلقين وتكولون احنا هم ما يصير عدنا احنا هم راح نتأخر 6 سنوات واخاف وراثي …الخ كل هاي تأثر على نفسيتكم والقلق عدو الانجاب دائماً دكتورتي تكول اذا تريدون تحملون صيروا ريلاكس يصير حمل بس تتشنجون وتخططون سبحان الله ما يصير ، النقطة الثانية اخذي فيتامينات قبل الحمل وزوجج منشط اول شهر يصير حمل باذن الله 100٪ وكثروا العلاقة بايام الاباضة والتبويض
العضوة: 7816385152 , منذ شهر
ياروحي شكراّ كلش هوايي على رسالتج اللي مليانه طاقه ايجابيه وتفاؤل اني صار شهرين اراجع اخذت منشط فوليك اسد واخذت كلوميد وفيتامينات وزنك واخر شي هالشهر من رحت انطتني منشط ليتروزول من ثاني يوم الدوره وكتبت علاج لزوجي هم ليارحه جان موعد الفحص مالتي يمها علمود الاباضه كالت عندج بيضتين حجمهم ححِـلوو ونطتني ابره تفجيريه ضربتها وصار علاقه البارحه وليوم وباجر هم ان شاءالله لان هي كالت 3 ايام استمرو علاقه وكالت وره الابره ب3 ايام اخذي مثبت وراها باسبوعين سوي تحليل حمل اني انتظر وان شاءالله هالشهر يصير وابشركم ❤️🌷وهو كله بيد رب العالمين اذااا رادد تصير
العضوة: 7561167513 , منذ شهر
عندي صديقتي ماحملت أكثر من 10 سنين وبعد علاج طول عمل زوجها تحليل وجد عندو ضعف وبعدين راح لدكتور وعطاه مكملات ومنشطات في نفس الشهر حملت وجابت أجمل طفل
العضوة: 7816315676 , منذ شهر
ياروحيي ماشاءالله اللـّٰـہ يحفظه الهم 🥹 وربي يرزق كل بنيه تتمنه يكون عدها طفل امينن يارب العالمين❤️
العضوة: 7561199231 , منذ شهر
زوجك عندو نسبة قليلة في ضعف الحركة لازم ياخد منشطات من عند الدكتور مثل زوجي بالضبط أنا هذا الشهر رايحة على الدكتور أنا وياه ليعطينا دواء ومنشطات
العضوة: 7816389632 , منذ شهر
من رحت للدكتوره النسائيه بنية الحمل شوفتها التحليل وكالت اذاا المختبر مضبوط ف التحليل طبيعي وهم انطتني علاج اله 60 حبايه بي وحالياّ دياخذه باقي تقريباّ30 حبايه
العضوة: 7561181586 , منذ شهر
أسفة على إعادة التعليق صار في مشكلة بالنت
العضوة: 7816369056 , منذ شهر
عادي فدوه الج ❤️
العضوة: 7561118658 , منذ شهر
نفس تحليل زوجي شوفي
العضوة: 7816314096 , منذ شهر
لايختلف هذا تحليل زوجي
العضوة: 6973357531 , منذ شهر
لا انشاءالله خلي ياخذ العلاج لمده 3 شهور ويرد يسوي فحص حتى تشوفو لو في تحسن وانشاءالله يصير عندكم اطفال حبابة
العضوة: 7816379309 , منذ شهر
حبيبتيي هوه سوه مرتين بمختبر اول مره جان التحليل كلش مو زين يعنيي الحيوانات عنده 2 مليون ونسبة تشوهات وحركه قليله واخذ علاج ووراه شهر رجع سوه تحليل بنفس المختبر نفس النتيجة طلعت بس الفرق صارن 4 مليون بس اني جنت شاكة بالمختبر انو غلط التحليل ف وراهه كلتله يسوي بغير مختبر ومن سوه بغير مختبر طلعت ال 15 مليون وراهه من رحت للدكتوره الدكتوره كالت اذاا هذا التحليل مضبوط ف النتيجة طبيعيه مالته وهم انطته علاج ودياخذه بـس اني مامتأكده من صحة التحليل وحايره هسة