السلام عليكم بنات إذا كان اخر دورة 16. 3 بس من اول زياره وكان اسبوع 5 والدكتورة لم تتوقع انه الكيس باين في السونار قالت انه نطمنو على رحمك ومبايضك الاسبوع الجاي نشوف الكيس بس انصدمت انه الكيس باين وقتلي يمكن اباضتك كانت متقدمه مع مرور الاشهر في الحمل لاحظت انه عمر البيبي مقدم اسبوع او 10 ايام واخر زياره كان عمر الحمل 21 ويومين بس طلع حسب عمر الراس انه 22 و6 ايام يعني زياده ممكن10 او 11اليوم هل هذا طبيعي؟!
العضوة: 8861439161 , منذ شهرين
صح حبي هذا كلش شائع بالعمر لسببين الاول السونار بعد ثلث الاول يكون نسبة الخطأ بيه زائد ناقص يوصل للاسبوعين لان الطفل بعد عمر ثلاث شهور ما ينمو بشكل متساوي وية كل جنين كل جنين ينمو حسب اكل الام وصحتها والوراثة ايضاً الها دور ف تشوفين السونار يكولج عمره هلكد لان السونار يقيس الفخذ والرأس ويشوف اشكد حجمه على اساسه يخمن هذا الجنين بهلكد وزن مو على اساس ايمت حملتي ولا يفكر هذا الطفل عمره صغير وزنه وحجمه جبير السبب الثاني ممكن صاير تأخير او تقديم بيوم التبويض بالتالي الحمل صارت من وكت او متأخر بهيج حالات ترجعين لسونار اول ثلاث اشهر تشوفين اشكد عمره وتكملين الحساب وتعرفين انتي اليوم اشكد ليش لازم اول ثلاث اشهر ؟ لان دقة السونار توصل باول ثلاث اشهر الى 98٪
العضوة: 8381746659 , منذ شهرين
شكراً💞
العضوة: 130356986 , منذ شهرين
وعليكم السلام، يا قلبي هذا شيء طبيعي، أحياناً التاريخ يختلف شوي بسبب موعد الإباضة أو تقديرات الأبعاد بالسونار. ما دام الدكتورة مو مهتمة، انتي بعد لا تشيلي هم.
العضوة: 8381769040 , منذ شهرين
شكراً على ردك💞