تعالن احجيلجن قصة تعارفنا وسبب طلاگنا اول شي اني جنت متابعتة عالانستا هو مو جان مشهور وانما حسابة شوي عالي وينشر صورة الصراحة هو جان كلش عاجبني لان هو يعني انيق ومهتم بنفسة ف عاجبني ف اني جنت ارد على ستورياتة ومتفاعلة ويا هو وره فتره رد المتابعة وكام يباوع ستورياتي وهم مرات يرد عليهن بس يعني كل شهر هيج يلا يرد على ستوري لو انشر الف ستوري ميحس المهم مرة من المرات نشرت صورتي وضفتة بس هو بالكلوز وجان يرد شعجب ضايفتني بالكلوز؟ المهم كتلة بالغلط هو جذب اني متعمدة وكال بس جديات حلوة المهم سالفة تجر سالفة لحد ماتعرفنا ع بعض وصرنا اصدقاء وواحد يسأل عالثاني بعد شهرين من صداقتنا اعترفلي بحبة ويكلي انتي حيل عاجبتني ومن هالحجي طبعاً مااحجيلجن فرحتي المهم بقينا سنة علاقة واجة خطبني وابوي عرف تعرفنا عالنت وقفل وماحجيلجن عالكتلة 😂🥹 بقى يحاول 5 مرات تقدملي وبحضور شيوخ وبالكوه يلا وافق المهم تزوجنا ببيت اهلة وبعد شهرين صرت حامل وجبت بنوتة 🥹❤🫶🏻 ويحبنا ومدللنة وبنتنا كبرت شوي كام يطلعها ويا ويلعبها وجنه عايشين بسلام بس مرت حماي جانت تكرهني لان رجلها مو زين عليها ورجلي يحبني ومدللني ف جانت تتعمد تسوي وياي مشاكل وتوز عيالي عليا بقيت اسكت واسكت لحد ماطكت روحي وسحلتها سحل صارت مكافش المهم بعد مااطيق ابقى وياهم لان اني ممأذيتها وكل شوي رايحة مألفة عليا سالفة وعيالي يصدگوها وهم يتعاركون وياي ف لميت غراضي وخذت بنتي واجيت لبيتنا وكلت لابوي السالفه هيج وهيج واريد اتطلك بعد مااتحمل العيشة وياهم وابوي اتصل برجلي واجة رجلي ف ابوي كله احنه نريد طلاك رجلي مقبل كتلة اني ماريد اعيش وياكم بعد طكت روحي وجنت مصرة عالطلاك وطلگني🥹 وبعدين تندمت كلش لان بحالة عصبية طلبت الطلاك وهو هم جان يتحارش بية ويراسلني بحجة طلعيلي بنتي اشوفها هو خايف يبادر لا افشلة واني هم خايفة بقينا واحد يلمح للثاني ف اخر شي طكت رواحنا واجة يرجعني وابوي شرط علي بيت وحدي وهو وافق وكلة انتظرني شهر اجمع فلوس بيت لان ماعندي امكانية مال بيت هسة وادعولنا يدبر فلوس البيت منا الشهر توبة بعد ماسوي مشاكل لان حيل تندمت من تركتة ومحد معصوم🥹🫶🏻