السلام عليكم بنات منو جربت الولاده الطبيعيه صراحه البارحه جنا نحجي بهذا الموضوع اني وجناتنه واختي وعمتي خوفوني منا كلش ويكولولي انتِ متتحملين مرات يصير بيج هبوط شويه فادج يروح وتتخربطين تنامين كبل يعني مايشجعوني على ولادة الطبيعيه وخوفوني من طلوك يكولولي تجي طلك دقيقه ماتتحملين وتتندمين برئيكم كلامهم صحيح هذا كله؟يعني الانسان وقت الولاده ايصير الالم بزياده وحده الى درجه مايتحمل؟ وهل اذا اني اختاريت طبيعي اجيب! الدكتوره مالتي نفسه جيبني لو غير وحده واني مسويه عمليه ربط ؟ اني صراحه اريد طبيعي بس بنفس الوقت اذكر كلامهم واتراجع وهشي صح لولا؟ اني اختار طبيعي او عمليه لو دكتوره تحددلي والله صرت اخاف اكثر ماعرف شسوي ساعدوني جزاكم الله خيرا
العضوة: 4375327060 , منذ يومين
الابره هاي ماعرف اذا تاخذيها مال تخفف الم الطلوك زين شلون راح تكدرين تطلكين لعد هي كل طلكه او الم انتي راح ادفعين الطفل زين الابره اذا اخذتيها راح تبردين من الطلك حسب مااعرف بعد ماعرف لان اني مامجربه الطلوك بس القيصريات ينطون ابره تاب بلوك علمود الالم وصدك ماتحسين بالم هي مو سوه بعد بتاسع الدكتوره تحددلج طبيعي او عمليه هواي اني وياي جانن بنات راحن يجيبن طبيعي وبعدين خطيه حولها ع قيصريه لان مايطلع الطفل وماعدها طلوك انتي خليها ع الله يمكن اني اكثر وحده جبانه واخاف والله اروح برجليه لصاله العمليات من يصيحون اسمي والله ياخذوني متخربطه ومغمي عليه بس ادخل واتوكل ع الله كلشي ماتحسين الا وتفتحين عينج وابنج يمج يعني الخوف والقلق هو الي يسطر علينه خليها ع الله وتوكلي عليه ماكو شي صعب عند رب العالمين ولاتفكرين من هسه بعد وكت لاتقلقين من هسه الناس هم الا دور من تأثر ع احد هو جسم من جسم يختلف وقابليه انسان لغيره تختلف مو معناها كلتلج عمتج الطبيعي هيح وماتتحملين معناها صدك
العضوة: 3583741805 , منذ يومين
لا احس الابره صح يمدحوها وكذا بس مو حلوه للي راح تولد اول مره وما تعرف طريقة الدفع احس حلو للي معها من قبل ولادات
العضوة: 3036977757 , منذ يومين
هذي اسمها إبرة الظهر صحيح الوحده لما تولد ماتتألم لكن فيها مضاعفات اعرف وحده جارتنا انشلت بسبب هالأبره وراحت للهند تعالج وتحسنت الحمدلله لكن مارجعت نفس قبل صارت ماتقدر تمشي زين ولا تقدر تنحني وفوق كذا خلاص ماقدرت تحمل مره
العضوة: 4113290431 , منذ يومين
ﺣَياެتي والله صح كلامج اني اصلاً مامفكرة بي الخوف والرعب الي دخلو بكلبي من البارحه اليوم تعبت افكاري تروح وتجي وتعبتني يعني كلامكم كلش ريحني صراحه وهدأ بالي مو المشكله اني ع طول عندي هبوط واخلي ملح بالاكل يلا شويه اتحسن بس مدري هوة من اوكف ساعه او اكعد فتره او من اتحرك يصير عندي هيج ورم بس ان شاء الله اسوي تحاليل بس مال شنو مال زلال و دي ثري والدم وكالسيوم فقط هذني اسوي كل شهر ؟
العضوة: 303692090 , منذ يومين
الطبيبه هي اللي تحدد أي فحوصات تعملك ولازم تشربي حبوب الحديد خليها توصفلك واشربي حليب
العضوة: 3036940376 , منذ يومين
حبيبتي انتي لاتضايقي نفسك وانا قلتلك لاتخافي وتوكلي ترا الخوف هو اللي يصعب كل شي والله وانا ترا كنت نفسك اول ولاده ورغم اني اسمع عن صعوبات الولاده إلا إني توكلت على الله وطنشت كلام الكل والحين الحمدلله ولدت وبنتي عندي وكل شي اتسهل انتي فكري بالنتيجة وبس هي كلها لحظات وكل شي ينتهي ولما تشوفي طفلك تنسي كل شي وبقولك معلومه يمكن ماتعرفيها ترا الرحم لحاله يدفع الطفل انتي بس لما تدفعي تسهلي وتسرعي خروجه
العضوة: 4113263396 , منذ يومين
حبيبتي والله هو اني هم هيج اريد طبيعي بس هيه لجيبني منو دكتورتي نفسه الي اني على ايدهه هسه لو غير وحده جيبني طبيعي ؟
العضوة: 3036927776 , منذ يومين
مهما صار حتى لو ولدتك طبيبه ماتحبيها رح تتسهل امورك ان شاءالله بس ظلي ادعي بكل صلاه أنا اللي كانت تتابعني غير واللي ولدتني غير لكن الحمدلله على كل شي
العضوة: 4375340917 , منذ يومين
حبيبتي ماكو هيج شي مو بكيفهم الله برحمته يقويج ويخليج تولدين وهاي عد كل النساء وطبيعي هذا الشي لو بي خطر ربالعالمين مايخلي النساء هيج ولادتهم واذا انتي عندج طلك وتوسع الدكتوره ماتجيبج عمليه الا بحالات محدده
العضوة: 4113223436 , منذ يومين
والله اني خايفه من الم العمليه اكثر مننا خايفه من طلوك وهوة صح مامجربتهن اثنينهم وماعرف بس المزالعمليه اليوم ولايومين اما طلوك حسب مايكونون مثل الم الاسقاط يصير صمله اني جربت شعور الم الاسقاط صح متحملته الا زوجي عطاني حبابه مسكن الالم وابو صيدليه كتبه الي لو موذيج الم فظيع بعد طلوك الله اعلم بحالي شيصير واكو ابرة تخفف الم الطلوك او مسكن الم او شي ؟ من هذا القبيل والقابله لو دكتوره مالتي نفسه الي جيبني
العضوة: 3583763124 , منذ يومين
مو معناه مسويه ربط يعني الج عمليه ترا الدكتوره وقت تدخلي التاسع راح تفك الربط غير اذا كان فيك قبل التاسع بوادر الولاده وثانيا ششي لا تسمعي لتهاويل الحريم كل ولاده تختلف من وحده لوحده مو كلهن نفس شي ممكن ربك كاتب لج بدقايق ينزل البيبي مو شرط نفسهن ايام او ساعات طويله لاتسسمعي من اي احد ...الا اذا كان الدكتوره من قبل قايله البيبي مقعدي هنا لازم لج عمليه اما من كلام الحريم لاتسسسسمعي ابد ابد ابد وبعد وقت تدخلين الثامن شوفي اليوتيوب طريقة الدفع وكذا وتمارين واكلي اكل يسهل الولاده الحين بعدج انتي فالسادس وراك مشوار واسابيع استمتعتي بحمالج وايامه لاتفكري سلبي الطلق يبدا بأمر ربي وربي الي يسهل لكل وحده حاولي تركزي على اكلك وعلى صحتك وصحة البيبي ولما بيجن يحكن معك بكلام سلبي قولي لهن ربي يسهل وترا مله بآمر ربي اذا ربي كاتب لج عمليه ترا راح تولدي عمليه واذا طبيعي طبيعي مو على كلامك ولا على كلام الدكتوره هلي ايمانك بالله قوي
العضوة: 4113290664 , منذ يومين
ان شاء الله يارب راح اسمع كلامج هم احاول بعد كلما يحيبون اسمه اكول ربي يسهل وهيه كلهه ساعه وتخلص
العضوة: 3036960382 , منذ يومين
حبيبتي اخبارك وكيف امورك ؟ زمان عنك
العضوة: 4125079704 , منذ يومين
طبعاً الف الحمدلله الله انطاني اصرار وعناد وماقتنع بااي بشر يكول شي واظل اسأل وابحث واقرة افضل من ما اسمع من ناس بكيفهة تلغي ف ياعيني سالفة الدفع وهل حجي زايد معليج بيهن انتِ كل العليج تقوين ايمانج بروحج وبربج وتخلين عدج اصرار اولد طبيعي ف شسوين مو تكعدين لا اذا بچر تحاولين بنص التاسع تبدين تمارين رياضية طلعي ع يوتيوب وكل يوم تكعدين بمي مايل للحرارة نص ساعة + تزيدين كل يوم علاقة زوجية ومشي وتاكلين تمر فد 5 باليوم هيج هاي كلهة عوامل تسوي عدج رخاوة بالحوض وتوسع حتى من تولدين باريحية مو تقلصين ودفعين وتصيحين وماكو نتيجة حتى صياح غلط اخذي شهيق وطرحي زفير من هسة تمرني ع تنفس ومعليج بيهن ربج يسهل اذا الطفل راسه جوة وعدج توسع من 2 هي تسهل الدكتورة تعرف شلون توسعلج اكثر وتولدين بخير وسلامة بالمناسبة اني هم حامل وهذا بچري وهاي معلومات من دكتورة وابحث واشوف فديوات واقرة هواي رادو يخوفوني وشلج بطبيعي مسمعتهم طنشت اني عدي اصرار اريد طبيعي
العضوة: 4113227996 , منذ يومين
طبعاً هم كلش اشكرج على كلامج لان حفزتيني والله اقرا رسالتج وعيوني تدمع من الخوف والتفكير بكلامهم مثل الهوس صار بيه اكعد بكل مكان افكر بي واكثر اخاف مداعرف اسيطر على افكاري هاي والخوف والله كلش تعبانه هلفتره وخمول فدمرة عندي واني بنص شهر السادس بس كوليلي هاي طبيعي الخمول واحس عندي طاقه بس ارهاق بشكل يصير عندي واحس بس اريد انام وانام ومن اكعد جسمي مشنج وبلكوة اتحرك على صفحه الثانيه ومدري هاي نوب شلون نومة صايرة كلساع اتحول جهه واحس جسمي كله يوجعني حتى هيج مثل طكع احمر فوك من اصابعي وشويه متورم ومن اكعد او اتحرك يصير ثكيل وكوك احركة مدري شلون منا للتاسع ابقى ع هاي الحاله لو يتغير هشي لان احس حيل ابد ماعندي ويوم بعد يوم جاي يقل الكالسيوم بجسمي عضامي توجعني وثكيله وهاي جفن مال عيني تجي ساعه ترفف وشوي توكف ونوب هم ترفف طبيعي هشي لولا
العضوة: 4125081941 , منذ يومين
طبيعي اعراضج وخمول وتردين اتنامين عبالك ماخذة منوم ومتكسرة اما ورم موزين خاف عدج زلال ديري بالج حاولي تقللين من اي اكل بي موالح والبيض كذالك اكلي مرتين بالاسبوع وبعدج هسة انتِ بسادس اني عبالي واصله للنهاية ودسألين ع طبيعي وخايفة خلي عدج طاقة تنشطي سويلج شي التهي بي لتخلين بالج حامل واظل نايمة لا كومي تحركي سبحي اكلج نظمي فيتامينات اخذي وكل شهر سوي تحاليل اتأكدي حتى ميهبط عدج لا الدم ولا الكالسيوم ولا دي ثري اني تخيلتج بشهر التاسع فايتة ودسألين لعد اني شدكولين علية حفوت بثامن بعد اسبوع واحفز نفسي والا ع ناس لا يدمرون نفسية الله وكيلج الرجال وحدة يدمر نفسيتي ومامهتمة شسوي احفز نفسي ع ولادة
العضوة: 3036948494 , منذ 3 أيام
انتي الحين بأي شهر؟
العضوة: 4113290624 , منذ يومين
اني حالياً بنص الشهر السادس
العضوة: 3036985052 , منذ 3 أيام
فعلا نفس الكلام اللي قالته البنت حبيبتي لاتفكري ف يوم الولاده وبس فكري بعدين كيف رح تقومي وكيف رح تهتمي بنفسك والطفل وترا ألم العمليه مو سهل أبدا الكل يشكو منه وكل يوم رح تتألمي ومايروح الألم بسرعه يبقى لشهر اقل شي / وانا ولدت لأول مرة وكان شي خوف قبل الولادة مارح اقولك ماخفت لكن الحمدلله من ولدت نسيت كل شي ورجعت طبيعيه بمرور ايام بسيطه
العضوة: 411321686 , منذ يومين
اصالة اني كلمة وحده من البشر تهد نفسيتي 💔 صح كلامج كلش اخاف وافكر كل يوم بيوم الولاده ومنو راح يوقف ويايه ومحد يحس بكلبي غير بس زوجي 😞 يعني خايفه من الالم الطلق وماعرف شلون هو الالم الي راح يجي وماعرف اذا جنت اتحمله اولا ومدري شسوي 😔💔
العضوة: 2503674980 , منذ 3 أيام
هلو حبي شوفي هذني ميفتهمن لو يفتهمن جان نصحنج شنو دقيقه مينحمل لج هيه من رب العالمين بذيج لساعه تجيج طاقه تحمل والطبيعي احسن من العمليه راح اكلج شلون الطبيعي تتوجعين يوم يومين بزايد بس يطلع البيبي خلص كولشي انتهى اما العمليه راح ضلين نايمه ومتكدرين تكومين اله احد يكومج ولاتكدرين ترضعين ولاتسوي اي شي لان عمليه ويخافون لا تنفتح وبعد وراها خياطات ويضل اثرها وبطن القيصيريه تكبر اكثر من لعمليه وتره لدكتوره معليها هيه تحددلج بس اذا شافت عندج مشكله لاسامح الله دكلج عمليه وام لربط تره اول متفتح لربط يصير عدها توسع اني اصلا من قبل لاافتحه لكيت عندي توسع اصبع ونص لاتخافين اني دوم اشوفج دكولين عمليه والله سهله لتخافين اذا تعلمتي طريقة التنفس تصير سهله وداعتج اني كدامج عشت تجربة الولاده بعمر ال١٦ والحمدلله تحملت وخلصت تره هيه كلها كم ساعه وتخلص
العضوة: 4113212821 , منذ يومين
والله العضيم والبارحه من كلامهن الليل كله منايمته بس ابجي ومرعوبه وخايفه 😔💔 هاي بدال مايخففون عليه لا زيدو عليه
العضوة: 4113242881 , منذ يومين
والله هم هسه داكول اني عمليه ربط لان رحمي قصير وهشي كلش زين بلولاده الطبيعيه زين هم اكو ابرة مال طلوك يعني يخفف الالم وهيج شي
العضوة: 4287229367 , منذ يومين
والله يازينب بدايه حملي هيك وللان الكل يحبط فيني والكل يتكلم عن الم الولاده مايقولولي اعملي عمليه لا يقولولي الطبيعي افضل وبعدها يقولو مابعرف فلانه ايش صار فيها من الألم وفلانه وفلانه ماراعو اني بكريه لا ماكاني موجوده كنت بس ارجع البيت ابكي من الخوف وانام وانا ابكي